北上打波聚少離多 羅意庭唔驚會甩拖
小記今次出差福建，除一窺阿庭的宿舍生活外，另一收穫就是「踩」入他的愛情世界，聽他盡爆心中情，正經歷「七年之癢」的他向女友大派定心丸：「雖然我與她分隔兩地，但這樣反而令我更珍惜對方，感情有增無減。」
愛情路上七年之癢
阿庭與女友阿Lo在讀書時代已開始拍拖，不經不覺已踏入第七個年頭，為紀念與女友相戀的日子，阿庭的球衣號碼也揀選了相識的「五號」。以前阿Lo可以經常入場捧男友場，但自從阿庭返內地比賽後，今個球季只北上過一次，至於阿庭亦趁早前放假回港一趟，二人聚少離多，平日就靠上網及Web-cam以解相思之苦。
阿庭坦言：「其實揀得打CBA這條路，我預咗要犧牲，包括拍拖。雖然見面少了，但我們已不是初初拍拖那樣要朝夕相對，我依家體會到『小別勝新婚』的感覺。」此外，阿庭亦感激屋企人對他的支持。