保殊近年已不只一次受到惡意攻擊，早前就有美傳媒剖析佢比賽時經常有啲娘娘腔手勢，所以成日畀人話「Cam Cam哋」！保殊與未婚妻今次着起拉丁服飾影結婚照，但由於呢位熱火前鋒身形瘦削兼表情呆板，網站就批評佢毫無男子氣概，配合埋啲服飾就充滿「基味」。
奧尼爾係twitter王
相反，塞爾特人中鋒奧尼爾一向剛陽粗獷，而且佢喺網上仲好受歡迎添，奧尼爾嘅twitter用戶關注者多達356萬人次，成為最多人關注嘅運動員twitter用戶，而緊隨其後就係皇家馬德里足球員卡卡，達到293萬人關注，第三位屬網球手S威廉絲。
本報綜合報道