港甲突然多咗位後起之秀，波總嘅拜仁梁好想畀啲獎勵佢，同時亦可引發其他後生仔勤奮練習，喺港甲爭取上位機會，所以拜仁梁打算搞個本地波腳力大賽，公開畀所有甲組球員參加。
「拜仁梁」出獎金提高吸引力
其實依家本地波咁多球員，邊個腳力最好？暫時嚟睇，曾文輝應可佔一席位，至於係咪佢最勁，咁就真係要鬥過至知，拜仁梁話呢個比賽如果真係搞得成，唔會係齋玩，因為佢打算私人拎幾萬蚊出嚟做獎金，提高賽事吸引力。
計波男話，淨係鬥開波可能會單調啲，不妨加入百米短跑、長跑同射波鬥準比賽，以決定邊個係「腳力王」、「衝刺王」、「耐力王」同「射波王」，到時就過癮囉！
波男