今季NBA轉會市場的確比過往瘋狂，除了季前勒邦占士及保殊齊過熱火，與韋迪組成超級三巨頭外，交易截止日前亦有兩名星級球員安東尼及迪倫威廉士轉會東岸球隊，霎時間令東岸競爭性大增。
熱火、公牛及紐約人今季都先後獲得星級球員來投，令球隊強大起來，但阿裕認為東岸仲有一支後起之秀，就係活力十足嘅鷹隊。鷹隊在交易截止日前送走老將碧比，從巫師換來正值當打之年嘅軒域治，個人認為絕對係明智之舉。首先碧比近年已大走下坡，尤其得分能力每況愈下，而體力亦無復當年，似乎已成為鷹隊嘅負累。相反，軒域治今季喺巫師重拾信心，加上佢較碧比年輕，更能配合鷹隊嘅快速打法。
阿裕認為鷹隊將會係下半季嘅一路奇兵，甚至有能力左右東岸大局，威脅熱火及塞爾特人嘅地位。
有線ＮＢＡ評述員 蔡芳裕