大掃除中，仲畀阿裕搵番一件珍藏「寶物」，就係九五年日本福岡世界大學生運動會場刊，當年阿裕代表香港參加籃球項目，算係籃球生涯上首個大型賽事。翻開場刊後，發現原來當屆美國隊陣容非常鼎盛，成員包括有艾佛遜、鄧肯及雷阿倫等，結果美國當然能夠摘金，在決賽擊敗日本取得當屆錦標。
其實阿裕之所以提番呢屆賽事，主要係想鼓勵一下偶像艾佛遜。「AI」係阿裕繼「波神」米高佐敦之後，第二個最欣賞嘅球員，而且阿裕曾在一個品牌活動中與艾佛遜碰面，佢畀我嘅感覺係毫無架子，但又不失明星風範。
所以阿裕真係衷心希望艾佛遜喺兔年能夠擺脫傷患，縱然不在ＮＢＡ馳騁，但亦能繼續打波畀鍾意佢嘅球迷睇！
有線ＮＢＡ評述員蔡芳裕