南華大球場迎大埔 基士文畢特拍住上
南華「畢基組合」攜手征戰港甲，今午假香港大球場迎戰新界地產和富大埔，儘管畢特同基士文剛歸隊狀態未足，但「卡士」贏晒。
畢特已於去年十一月南華對飛馬一場港甲亮相，為南華主射罰球建功，吸引超過八千觀眾入場，畢特其後亦落實加盟南華。至於外號「蝙蝠俠」嘅塞爾維亞射手基士文，與由中超回流港甲嘅吳偉超，在上周聯袂加盟南華，令「少林寺」人腳實力更上一層樓。
畢特與基士文級數毋庸置疑，但來港時日尚短，基士文仍在努力適應時差及香港生活，年屆卅六歲嘅畢特剛喺周三歸隊，明顯不在狀態，只能藉豐富作戰經驗協助球隊爭勝。
四海深水埗鬥大中
大埔最近引入新援中場祖利亞，並於上仗聯賽對公民披甲，球隊以二比三僅負，此子周中再喺預備組上陣，提升狀態，球隊中場配合亦見進步。即使畢特與基士文不在狀態，但南華人腳充裕，整體質素又在大埔之上，今仗發揮正常應可贏波，大埔只能靠球員鬥志堅守陣地，避免大敗。
同日另一場聯賽假深水埗運動場舉行，由四海流浪主場迎戰大中，此仗關乎護級形勢，現居倒數次席嘅大中，如能全取三分將可脫離降班區，必拚無疑，至於四海亦深知今仗重要性，將會小心應戰。
此外，足總昨宣布香港隊下月九日作客友賽馬來西亞的名單有變，謝德謙、李瀚灝及利偉倫因傷退出，補選葉鴻輝、魏釗及曾錦濤入伍。
今日賽程
3:00pm：四海 Vs 大中
地點：深水埗運動場
票價：$60、$20（特惠票）
6:00pm：南華 Vs 大埔
地點：香港大球場
票價：$60、$20（特惠票）