今季新升班嘅地區球隊屯門上半季表現予人驚喜，佢哋大半隊球員都係甲組初哥，喺開咧後不斷自我增值，唔夠體能就加操體能，技術唔得就練到得，仲有一班粉絲撐場，但可惜即使係喺屯門，佢哋仍然受制場地供應，安排唔到球場練波。
尋日聯賽盃屯門輸畀南華出局，球員質素無疑有距離，但屯門賽前備戰亦遇到問題，原來賽前一星期，教練「餅叔」一直為安排訓練場四出頻撲，結果其中一日去咗一個冇龍門框嘅仿真草場練習，但臨近賽前就安排唔到球場，球員只能去健身室郁吓，跟本冇辦法集中精神準備，加上對手係南華，所以輸波都唔怪得佢哋。
連地區球隊都搞成咁，波男都戥佢哋慘，其實好似屯門同大埔呢啲地區球隊，既然殺上甲組，政府係咪應該畀多啲照顧佢哋，而地區球隊嘅要求好卑微，只係每日一節嘅訓練，唔通咁都做唔到？
波男