【本報綜合報道】曾創下溫布頓網球賽最長比賽時間紀錄嘅法國鐵人球手馬亨，喺澳洲珀斯舉行嘅賀文盃對美國嘅一場混雙比賽，以極出位「男扮女裝」出戰。身穿與混雙隊友姬絲甸娜同款「Deep V」背心裙嘅馬亨，裝「胸」作勢、刻意露底、胯下擊球、並走到觀眾席搞笑，極盡出位能事。
馬亨可以咁樣「玩嘢」，主要原因係英國隊因為有球員受傷要退出，賽會就安排法國同美國玩呢場表演賽。