熱火殺鹿 大帝再創新里程
【本報綜合報道】紐約人外，另一東岸勁旅熱火亦能延續連勝，球隊戰至加時下險勝公鹿101比95，而「大帝」勒邦占士今場取得個人生涯第500次封阻，寫下另一里程碑。
「大帝」今仗轟入26分、10個籃板球及5次助攻、6次搶截及1次封阻嘅全面數據，彌補拍檔韋迪嘅失準，協助熱火贏波，而占士同時獲得個人生涯第500次封阻，成為NBA史上第11位累積16,000分、4,000籃板球、4,000次助攻、1,000次搶截同500次封阻嘅球員，現役球員中就只有佢、高比拜仁同加納特做得到。
作客連勝12場
熱火贏波後，作客連勝場次增至12場，只要再贏兩場就可以平球會最長作客連勝紀錄。
另方面，NBA總裁史端日前表示，勒邦占士今夏轉投熱火有助拉高NBA收視率，不過「大帝」並唔贊同，佢謙虛表示聯盟中有太多好球員，所以收視率提升根本唔關佢一個人事。