國際羽聯超級系列賽總決賽尋日喺台北開打，香港唯一入圍球手「黑妹」葉姵延在今年成功攞頭彩，以直落兩局21比18、22比20力壓丹麥嘅鮑恩，今日會同同組嘅中國金花王儀涵對壘，王儀涵昨日亦以直落兩局擊敗保加利亞嘅妮德捷娃。超級系列賽總決賽由世界頭八名球手角逐，先分兩組爭逐初賽，小組前兩名躋身4強，再以交叉形式爭逐桂冠。