勇士送去D-League磨練
現年23歲嘅林書豪，唔單止係NBA首位美籍華裔球員，更係哈佛史上第三位NBA球員，林書豪由於喺夏季聯賽表現出色，獲勇士提供一份兩年合約，但經過季初嘅觀察，教練團認為林書豪應更多比賽磨練，故決定將佢送到較低水準嘅D-League比賽。
林書豪對此表示理解：「我仍然年輕，仲有好多嘢要學習，我希望令自己技術更加成熟，然後至重返勇士比賽。」
身高1米93嘅林書豪，今季平均上陣8.5分鐘，僅得1.9分及1.1次偷波，佢今季嘅代表作可以話係十一月對湖人，當時佢上陣18分鐘，取得職業生涯新高13分。