拉利布朗同波神不和劈炮?

山貓班主「波神」米高佐敦尋日在官網公布,老帥拉利布朗已經正式辭職,成為今季NBA首位下課教練。雖然有指拉利布朗因不滿球員懶散而離隊,但亦有傳真正原因係佢不滿米高佐敦出爾反爾,為慳錢而大削球隊實力,最終心灰意冷「劈炮」!

上季領山貓歷史性打入季後賽嘅拉利布朗,早在季初已醞釀離隊,原因係班主米高佐敦屢次作出不合理交易。山貓今夏先將中鋒贊特拿送到小牛,換來當時身價高達一千三百萬美元年薪嘅丹比亞,但由於佐敦一心慳錢,所以隨即裁掉丹比亞,令球隊內線缺乏人手。不過最令布朗不滿係球隊竟不與正選控衞費頓續約,後者今季轉投紐約人後,與史杜迪米亞合作無間,令球隊由「魚腩」躍升成東岸強隊。