格蘭披治三級方程式一向係車手進身一級方程式賽事嘅踏腳石，以往成功車手多不勝數，近年包括○九年世界冠軍畢頓，去年開始於F1賽場奔馳嘅日本車手小林可夢偉，亦曾於○六年獲得澳門三級方程式冠軍。今年到澳門參戰嘅車手唔少已經獲得一級方程式車隊關注，包括歐洲三級方程式冠軍莫他拿、英國三級方程式冠軍禾克及日本三級方程式冠軍國本雄資。
歐陽若曦爭房車錦標
此外，首位角逐整季ＦＩＡ世界房車錦標賽嘅華人車手歐陽若曦亦係賽事焦點，憑佢對東望洋跑道嘅熟悉，有望衝擊一個分站冠軍。另一本港車手張煒安亦會出戰格蘭披治電單車賽。