黃蘊瑤後悔台上喊得肉酸
前日感動全城、盡顯「打不死精神」的「女車神」黃蘊瑤（Jamie），昨日負傷走到單車場為隊友打氣，Jamie強調對自己的堅持並無後悔，最後悔的反是：「今日睇到好多報紙都登我嘅相片，我喺頒獎台喊得好肉酸，後悔當時唔笑靚啲！」而昨日有很多fans為她在facebook開設群組，對她致敬。
Jamie昨日也有翻看前日自己比賽的錄像，重看意外發生的片段，她坦言：「都幾恐怖。」她稱目前傷患仍有點痛，前晚也因此失眠。
提到昨天中、港報章大部分以她感人故事作為頭條報道，一向貪靚的Jamie笑稱：「我真係好後悔，上到頒獎台仲喊，影得好肉酸，個喊樣畀好多人見到，第日仲使識男仔嘅！」這位樂天車手還「埋怨」傳媒當時冇提醒她「笑靚啲」。
發生意外後，Jamie都有打電話給媽媽報平安，本來媽媽曾想過到場觀戰，但Jamie說：「係我叫媽咪唔好嚟，免得我有壓力，意外發生後我有打電話畀媽咪報平安，叫佢唔使擔心。」而Jamie媽媽重申看見女兒「炒車」當然擔心，但仍會支持她。雖然父母離異，但Jamie爸爸都有透過電視看女兒比賽，覺得女兒很勇敢。
男友陳振興山地賽出擊
至於稍後的公路計時賽及公路賽，Jamie原則上希望可以完成，而另一受傷隊友刁小娟昨日隨教練沈金康飛去上海醫治手臂。另外，Jamie的男友陳振興今日會在山地車賽登場，力圖為港再添獎牌。