僵化的把關技術
來到廣州多天，幾乎每日都要花上好幾噸口水，同一班「盡忠職守」嘅保安員唇槍舌劍，希望佢哋做嘢唔好咁死板，以免苦了一眾傳媒。小記尋日為咗採訪香港泳隊練水，專程到泳館一趟，殊不知行到入口前，把守門關嘅保安大哥竟然話賽事尚未開始，不能由此進入！結果原先為廿步距離，變成要繞過整個網球場才抵達另一個入口，足足無謂地花多四十五分鐘，可幸小記尋日起身眼眉亂跳，早有不祥預感，提前咗一粒鐘出門口先未致「甩相」。
雖則我明白保安員有其規矩，但作為大型運動會嘅職員之一，有時做嘢都要識得轉轉彎，方便大家做嘢，咁先叫盡忠職守。