尋日係姚明自○九年季後賽後，首度在正式賽事中見主場球迷，「小巨人」休戰一場後狀態有所回復，首節助攻助守表現落力，可惜軍醫限制其上陣時間，令佢唔能夠長駐球場，打吓抖吓亦令手感難以保持。姚明在比賽尾段無法幫助火箭追分，最終輸94比107，開季三連敗寫下火箭11年最差開局。
金塊艾爾夏寧頓搶鏡
姚明今場為火箭貢獻14分及6個籃板球，佢賽後就話同隊友配合唔成問題，不過現時最困難係適應24分鐘限制令，因為除了需要更花氣力找回節奏之外，亦要重新適應出場時間。金塊新兵艾爾夏寧頓今場成為贏波功臣，以第六人身份攻入28分及搶下10個籃板球，表現較主將安東尼更出色。