自從招攬「大帝」勒邦占士及「龍王」保殊助陣後，熱火旋即成為NBA最炙手可熱勁旅，所以點樣保護球星、點樣保存球隊軍情機密都好重要，今年季前訓練營，熱火就決定玩神秘，移師「閒人免進」嘅佛羅里達空軍基地進行，務求將外界干擾減到最低。另外，占士離開騎士投熱火後支持率下降，有調查指「大帝」嘅民眾支持率只有14%，成為最令人反感美國運動員第六位。