足球Cafe旺到爆

對於剛踏入「三字頭」的阿Pat來說，當初選擇創業開Cafe全因風險低：「一年前我集資咗三十萬元嚟搞生意，但若然開酒吧或餐廳，雖然可以喺兩、三個月內就賺大錢，但亦有可能蝕到見底，好快玩完！所以都係揀穩陣啲、唔使咁急追生意額嘅Cafe嚟開！」

ＮＢＡ主場 加開足球戰線

由於阿Pat是體育迷，開設的Cafe先以ＮＢＡ為主題，一年吸引了不少籃球迷慕名而來。世盃期間，阿Pat決定加開足球戰線，在Cafe內播世盃而令生意額飆升：「平日夜晚大約做兩轉客，但依家晚晚有三場波，就可以按場次分成三轉，如果撞正好戲碼賽事，生意可以增加四成！」阿Pat坦言現時Cafe主要有兩批客，早上籃球迷來看ＮＢＡ，晚上足球迷就睇世界盃。就以星期五（６月18日）為例，朝早九時有場ＮＢＡ總決賽，晚上亦有三場世界盃，實行打足四條戰線！

有了一年做老闆的經驗，阿Pat談起「生意經」時特別起勁：「其實最初都好冒險，因為鍾意睇波嘅以男仔居多，但佢哋都揀落酒吧睇，而愛去Cafe嘅多數係女仔，聽落運動Cafe有啲錯配咗！但實際上，唔少女仔知道男朋友鍾意睇波，都會主動帶佢上嚟，貪呢度唔似酒吧咁嘈，成為我哋重要客源。」創業一年，阿Pat表示已經有錢賺，加上今次世盃浪潮，距離第一桶金應不遠矣！

搵錢秘笈 最緊要有主題

搞一間Cafe最重要搵到屬於自己嘅主題，例如攝影、寵物，或者係運動，雖然咁樣客源會受限制，卻可以聚到一啲忠實客仔，繼而慢慢擴大保持穩定嘅生意額。

生意額比較（以日為單位）

普通日子 項目 世界盃期間

$2000 生意額 $3000-4000

$500-$1000 盈利 $2000

■圖、文：司徒子文