史龍於八八年執起爵士教鞭，唔經唔覺今季已踏入第廿二個球季，屬NBA史上執教同一支球隊最長時間嘅教練。只可惜花盡半生時間，都係「得個吉」，難免令人心酸。史龍最接近總冠軍嘅時期，係96/97及97/98兩個球季，當時爵士坐擁「孖寶」馬龍及史托頓，在西岸橫行無忌，可惜決賽卻撞正有「波神」米高佐敦及「禪師」積遜領軍嘅公牛，結果爵士連續兩季臨門飲恨。
冠軍指環10比０
到近年，爵士先後獲得布沙、迪倫威廉士及基里蘭高等猛將加盟，為史龍重燃奪標美夢。不過死對頭積遜從07/08球季開始，帶領湖人季後賽三挫爵士。當史龍兩隻手仍然「光脫脫」，積遜十隻手指已戴滿冠軍指環。