太陽着新衫再拔刺

抗議打擊非法移民法案

太陽昨仗穿起印上「LOS SUNS」嘅特別版球衣，目的係抗議亞利桑那州最近通過嘅一項打擊非法移民法案。太陽老闆薩維爾表示：「NBA愈來愈多外國球員加盟，今次我哋係想表達對拉丁球員嘅敬意。」

今仗戰情非常緊湊，兩隊互有領先，馬刺頻頻以鄧肯內線「硬爆」對手，結果佢順利取得全場最高嘅29分，但太陽喺第四節處理關鍵球較佳，最終以8分擊敗對手，第三回合將移師馬刺主場舉行。

太陽主帥根特利賽後稱：「雖然我哋領先2比0，但絕對唔可以掉以輕心，我哋嘅得分太集中喺兩、三人身上，其他球員必須作出更多貢獻，先有機會淘汰馬刺晉級。」

馬刺連輸兩場後，晉級形勢非常險峻，因為佢哋之前12次喺季後賽落後0比2，有11次出局，只有07至08年球季可以翻盤反勝黃蜂。