好似已經退休六年多嘅張德培，娶咗個「入得廚房，出得廳堂」嘅跟得老婆。其實佢退休後專心搞網球學校之餘，亦主力向世界傳道，周遊列國宣揚基督教，近年亦有來港主持布道會，大受歡迎。另外，「米高」亦活躍於元老賽，勤學普通話之餘更曾去內地拍電視劇，不過，跟住「米高」最重要的就係努力「造人」。

泰國國寶或復出職業賽

至於「瑞典長青樹」艾保，自九六年掛拍後就盡享無拘無束嘅生活，歸隱十年全情休息，主要與家人一起過着平凡生活，但年過四十嘅艾保仍然好弗，事關佢保持日日做gym的習慣，近年因多位昔日名將亮相於澳洲元老賽，佢至重拾球拍，過打波癮。

泰國型男施里猜芬貴為「國寶」級英雄，名利雙收之後同○五年環球小姐冠軍Natalie Glebova結婚，之後周遊列國，盡歎世界，依家仲喺泰國拍緊套關於網球嘅電視劇，進軍演藝界，不過，仍處當打之年嘅施里猜芬亦考慮復出職業球壇。