面對作客嘅快艇，火箭一班正選欠缺表現，僅柏堤亞與史高拉得分達雙位數，不過，後備球員則交足功課，合共射入62分，當中只上陣8分鐘的「T-Mac」，交出10分及3次助攻，而之前被魯域斯基打甩5隻牙，剛做完牙齒手術的蘭特利，更射入平職業新高嘅27分，成為火箭擊沉快艇最大功臣。

拓荒者比沙比拉恐收咧

T-Mac賽後表示，覺得自己表現一場比一場好，逐漸搵番比賽信心同節奏。至於蘭特利則發揮金句王本色：「我哋冇超級球星，不過隊中有一班好肚餓嘅狗，個個都想贏。」

同日拓荒者作客憑萊爾射入23分，加上艾迪列治取得19分，作客以85:81擊敗有魯域斯基復出嘅小牛，可惜中鋒比沙比拉喺比賽中重傷，好大機會提早收咧，加埋仍然養緊傷嘅奧登、巴頓、費南迪斯、歐羅同米斯，拓荒者嚟緊條路都好難行。