譚詠麟（晨曦明星隊會長）：我睇咗佢好多場波，佢身形真係襯晒佢花名，成隻熊咁，但估唔到咁靈活。咁好身形，打中堅當然冇問題，若果球隊落後緊，推佢上前打中鋒都會係一大殺着。

李健和（前華家堡、現東方教練）：我喺華家堡同東方都教過佢，佢好勤力，態度又好，呢啲係每個教練都鍾意嘅！佢畀啲心機，兩年後成就可望追到陳偉豪，但就要喺心理質素同轉數方面下多啲苦功。

郭富城（晨曦明星隊主力）：我有睇香港隊贏東亞運金牌場波，知道「灰熊」有後備入替，專責對付日本左路嘅球員，佢好大件頭，頭槌都頂得吓，個花名好好記！