過去個多星期，環繞陳肇麒身邊發生嘅事包括與金判坤言語衝突，與女藝人李綺雯拍拖照曝光，而最新就係前晚肇麒獲邀出席保良局慈善晚宴，到政務司司長唐英年官邸並獲其鼓勵，叫佢受訓時畀心機。

平常心懶理緋聞

肇麒確定在十二月七日到熱刺報到開始跟操，南華已安排他提早十二月五日深夜出發，所以肇麒只能在今晚港隊對南韓之戰上陣，之後便要準備赴英事宜，十二月十三日才結束行程，東亞運亦已結束。

對於近日發生在自己身上嘅事情，他表示：「能獲得高級官員鼓勵，可見香港足球仍有很多人關心，我更加要畀心機，至於其他事情，我一直保持平常心，影響唔到我。」肇麒與金判坤曾發生言語衝突，但兩人已無芥蒂，金判坤更拿肇麒嘅緋聞幽他一默：「只要未結婚，追女仔係好正常，絕對唔會影響球隊。」他指住肇麒說：「如你已結婚，就唔好亂嚟呀！」