張連偉剛完成上海賽事來港，鮑達更於月初在新加坡公開賽勝出，贏得職業生涯第八個巡迴賽錦標，兩人均磨拳擦掌，希望在本月廿六至廿九日舉行嘅歐米茄觀瀾湖高爾夫世界盃爭取佳績，歐米茄亞洲區體育項目市場總監鄭美齡，為兩位球手送上世界盃複製獎盃，預先過吓捧盃癮。

出道以來一直與歐米茄合作，自言已成為「歐米茄員工」嘅張連偉笑稱：「太太好鍾意來港購物，只有手錶唔使買，因為我已經有歐米茄。」張大哥多年來為咗打高球，成日飛來飛去，所以佢一有時間就會陪住老婆同對仔女，今屆世界盃，張連偉繼續夥拍梁文冲代表中國隊出戰爭標。

目標參戰2016奧運

鮑達在新加坡勝出後，來到香港會抖番兩日，已經安排好喺香港瘋狂購物；自從高爾夫球落實於二○一六年成為奧運項目，鮑達已開始計劃為奧運而戰：「出席奧運是每個運動員夢想，到時我才卅九歲，我會努力爭取成為英國代表。」在本月底高爾夫世界盃，鮑達將與羅斯費沙代表英國上陣。