塞爾特人開咧六連勝告終，全因「綠衫軍」今場受制於太陽嘅準繩投射，積遜李察遜今場三分球7射6中，手感好到不得了，結果佢攻入全場最高嘅34分，而太陽今場嘅三分命中率亦高達五成半，最終以110比103爆冷擊敗塞爾特人。至於開咧五連勝嘅金塊，雖然有安東尼繼續着火攻入30分，但因其餘隊友如比立斯及簡安馬田都表現欠佳，結果以88比96不敵熱火，兩軍現時戰績都為五勝一負。

高比最年輕「二萬四先生」

尋日最威風嘅球員，就要數高比仔，佢面對灰熊個人攻入41分，成功以31歲75日，超過張伯倫嘅31歲117日，成為最年輕球員獲得24000分。此外，他亦以24027分壓過艾佛遜嘅24012分，成為現役NBA得分第二高球員，第一位係奧尼爾。