巫師占美臣抖六周

洛杉磯警方指出，今次事件發生於本月二十日，當球賽進行得如火如荼之際，有賊人偷偷潛入特拉維夫馬卡比嘅更衣室，將所有財物偷走，包括珠寶、手錶及現金，總值二萬二千美元。到上半場結束後，球員返回更衣室先發現此事，完場後先報警求助。警方已表示會翻查球場錄影帶，追查真兇。

另一方面，湖人尋日則在季前賽面對金塊，因兩軍上季已有牙齒印，所以今場火藥味濃厚，開賽後兩軍都出現粗暴攔截，結果第二節已發生球員衝突，金塊嘅簡安馬田及湖人嘅奧當更一度互相碰撞，幸好最終亦冇將衝突化大。最終湖人以105比119不敵金塊。

另外，巫師可能係ＮＢＡ運氣最差球隊，雖然王牌球星阿連拿斯已復出，但轉眼又到前鋒占美臣養傷六周，無緣季初賽事。