香車離不開美人，F1新加坡站主辦單位靈機一觸，以選美方式尋找賽車女郎，負責擔任比賽日嘅持旗手、展示車手號碼等。今年選舉吸引咗年齡介乎18至26歲、來自不同界別嘅靚女踴躍參加，有學生、幼稚園教師、護士、空中服務員等專業人員，混合各種不同背景及性格，令選情特別有趣。冠軍可獲２萬元坡幣（約11萬港元），最重要係可以透過全球電視直播，估計在６億觀眾面前引領各車隊及車手出場，把握黃金機會表現自己。

(左)卸下護士袍嘅Deborah，係不折不扣賽車迷。 幼稚園老師Hamizah，視選美為人生另一項挑戰。	賽車女郎工作繁多，包括「護」住冠軍獎座。	候選女郎惡補儀態後，個個婀娜多姿。

20歲嘅幼稚園教師Hamizah，希望透過選舉提升自己：「由我知道有這個比賽一刻開始，我便熱熾地希望能參與其中，我好希望當選賽車女郎，視之為一項挑戰。」

21佳麗爭后冠

而在陳篤生醫院任職護士嘅Deborah笑言：「我才不怕被病人認出，因為我要戴着口罩工作呢！」

大會已挑選了最後21名決賽佳麗，而車迷亦有投票權，一齊選出最終冠軍，參加遊戲嘅人士更有機會贏得F1新加坡站通行證，網上還設有一連串互動遊戲，包括虛擬賽車等online game，愈玩得多就獲愈多分數，贏取更多獎品，市場推廣活動如此吸引，難怪大受歡迎。

主辦單位亦安排候選賽車女郎網上寫Blog，同車迷做朋友傾心事，大大拉近兩者距離，令車迷看得更投入。而由佢哋做主角嘅選舉真人騷，就由６月至９月分16集喺電視台播放，將成條宣傳戰線拉長幾個月，令車迷漸漸投入大賽車氣氛。