年初已宣布今季完成四大滿貫後掛拍的沙芬，無疑成為今個美網的焦點之一，賽會也特別安排他在另一個主賽場出戰，但他在職業生涯最後一個大滿貫卻在領先一盤的情況下，最終以六比一、四比六、三比六、四比六不敵奧地利的米奧查。

一向都有獨特個性的沙芬在「福地」出戰了最後一場大滿貫賽事後，看來是一種解脫，他說：「2000年嘅美網實在令人難忘，打贏森柏斯之後我一直都唔敢相信，感覺就好似中彩票。過去咁多年，我覺得喺網球場上我冇錯過任何嘢，我唔會搞告別賽，只係想同大家講聲拜拜。」

有傳媒追問這位前世界「一哥」是否有遺憾，他稱：「我冇遺憾，可能用厭倦嚟形容依家嘅比賽感覺有啲唔啱，但我真係覺得夠喇，我唔會後悔自己嘅決定。」

撐愛妹寸細威

最後一場大滿貫比賽沙芬表現心平氣和，不過問及其妹沙芬娜被質疑世界「一姐」位置時，沙芬即時火起為愛妹辯護：「點解要對佢咁刻薄？積分系統又唔係佢定，系統上寫佢係世界第一都冇辦法，莎蓮娜（細威）接受現實啦！」年初的時候「細威」S威廉絲曾表示自己贏得大滿貫冠軍都不能登上「一姐」之位表示不服。（now 636台今晚11時直播）

「沙皇」職業成績回顧

轉戰職業賽年份：1997年　目前世界排名：61

最高世界排名：1（2000年）　單打錦標：15項

單打戰績：412勝258負

大滿貫單打錦標：2項（2000年美網、2005年澳網）

台維斯盃冠軍：2次（2002、2006年）

累積獎金：14,168,064美元

本報綜合報道