Marco傅家俊本來因為全英賽同東亞運撞期，放棄為港比賽，但據香港桌球總會主席麥耀開所講，Marco幾經辛苦，終於獲得全英賽賽會同意將佢嘅賽期押後，令佢可以先嚟香港參加東亞運，完成比賽之後立即返番英國比賽。港隊總教練陳楚君就話，如果Marco喺12月5日完成東亞運賽事，就要當晚飛去英國，休息一日喺12月8日出戰全英賽，的確好辛苦，但為咗為港爭光，佢絕唔介意。