由南華足主羅傑承親自撰寫嘅新書《南華飯堂》，其實係由較早前南華官方網誌「足主的話」，Steven訪問球員嘅文章輯錄成書，講飲講食講波，每本定價68港元。

羅傑承威廉彼得亮相

今日去書展嘅球迷，可以先去Hall 1C 13-02至14-21嘅「大眾書展台」買本《南華飯堂》，攞張簽名籌，簽名會將於今日下午六時至七時在會展博覽道入口大堂四號台舉行，羅傑承聯同球員李威廉及文彼得將會為大家簽名。

Steven嘅簽名會仲會「賣大包」，完成簽名嘅球迷，將可獲得Freshness Burger 10元現金券兩張，送完即止。Steven在網誌表示：「今日可能要同好多藝人簽名會打對台，《南華飯堂》有幾十個球迷嚟『幫襯』，已經好開心，至於新一期《南華飯堂》已開始約球員食飯，第一位受訪球員，就係香港足球先生李威廉。」