16/06/2009

播放本新聞相關短片

洛市暴力祝捷

唔知係「慶祝」定「宣洩」，湖人尋日作客搞掂魔術，大批球迷唔能夠現場目擊佢哋捧盃，惟有聚集喺湖人主場史特普斯附近嘅酒吧同餐廳睇波，賽後有幾百人湧上街搞事，佢哋向警察掟石頭同玻璃樽，又喺街上放火，乘機爆入商舖搶嘢，至少有一部警車畀人跳上車頂破壞，結果至少有廿五個搞事分子被捕，但就冇人報稱受傷。其實○○年湖人重奪總冠軍，當年都有球迷喪到燒警車，最終造成70部車輛被破壞。
搞事者放完火仲要影相留念，真係無法無天。（美聯社圖片）
  • 搞事者放完火仲要影相留念，真係無法無天。（美聯社圖片）