本文重點
湖人捧走今屆總冠軍獎盃，對中國來說也有些特別意思，事關司職後衞的孫悅，成為了第二位戴上冠軍指環的中國人。孫悅作為湖人大後備，卻體驗了連大帝勒邦占士、超人杜域侯活，甚至名宿巴克利、馬龍都未嘗過嘅總冠軍滋味，師兄姚明真係唔恨得咁多啦！
第二個中國人戴戒指
廿四歲的孫悅在今年個人新秀賽季出戰十場比賽，11次出手、３個入球、２次助攻、３次失誤、１次阻截、10次犯規。雖然整季在場邊多過落場，季後賽更沒有出場機會，但作為湖人球員，他同樣與隊友一齊慶祝奪冠的喜悅，在更衣室瘋狂飲香檳。他稱：「能夠同高比一齊打波好難得，呢個賽季我學到好多嘢，感覺自己亦提高咗好多，總冠軍當然有很大嘅刺激作用。」
孫悅在07年選秀第二輪第十位被湖人選中，直至去年夏天與湖人簽約，成為第五位正式登陸ＮＢＡ的中國球員。巴特爾於○三年効力馬刺也奪得了一枚總冠軍指環。