本文重點
好耐冇同大家見面喇（其實只係兩個星期，嘿嘿）！因為Kittak要應付考試同功課呀，忙到死！不過依家完晒咯，仲放緊暑假添，哈哈！
唉……最終利物浦都拎唔到聯賽冠軍，好失望！對曼城同阿仙奴阻唔到曼聯攞聯賽冠軍亦都好失望，不過平心而論，以紅軍嘅人腳，今季算有交代，聯賽對其餘三支Big4曼聯、車路士同阿仙奴都冇輸過，4勝2和，係對弱隊輕敵咗，入球全英超最多，最後以第二名完成所有賽事，歐聯亦打到入八強。
紅軍表現fans收貨
Kittak身邊有一位前輩成日將「天時、地利、人和」掛喺嘴邊，其實真係好啱，好多嘢唔係我哋可以控制得到，考試都要睇你貼唔貼得中啦！盡力就係唯一可以做到嘅，盡咗力，至少唔會後悔，對自己無愧先吖！我相信所有紅軍fans都同我一樣，睇到紅軍嘅付出、努力，我哋仍然係咁Proud of you！
飛躍校園嘅同學仔，學界輸咗唔緊要，考試衰咗亦都唔緊要，最重要係問自己有冇努力過？有冇盡力？如果你嘅答案係冇，或者唔夠，都唔緊要，係時候就由呢一刻起，大家一齊加油，為嚟緊嘅考試，下年嘅學界做番啲嘢喇。
Kittak
中學時代被譽為「學界首席沙排明星」，奪獎無數，到入咗城大應用社會學系後更積極參與運動，並擔任NIKE Girl作網上主持人，深受網友歡迎