周蜜王晨亞洲賽鎩羽

香港羽球雙姝齊齊出局！被列為頭號種子嘅周蜜在首爾舉行嘅亞洲羽毛球賽同中國小將朱琳惡鬥三局後，以廿一比十二、十三比廿一、十五比廿一敗陣，未能躋身四強，而已宣布將轉任教練嘅王晨，則以十六比廿一、十七比廿一負於近期狀態甚勇嘅國家隊小花王儀涵，八強出局，令亞洲賽女單四強席位全由中國包辦。至於國家隊亦公布咗蘇迪曼盃世界團體賽出戰名單，「神鵰俠侶」林丹及謝杏芳攜手出戰，但世界女單冠軍朱琳落選，三小花王儀涵、盧蘭及王琳肩負重任。