本文重點
巴塞港將今日出戰！經過三日特訓之後，香港巴塞足球學校一班小將就要出戰今日在托爾托市揭幕的「依比利盃」，為今次「西」征最後一項任務作全力衝刺，眾小將期望發揮特訓的水準，力爭佳績。大軍在離開巴塞前的一晚，更在魯營球場欣賞巴塞歐聯大炒拜仁之戰，趁機偷師。
張堅庭大讚美斯
名導演張堅庭的次子張高翔今次有份代表香港來取「西」經，張大導自己也帶同大仔Justin來為整個旅程拍攝紀錄片，加上太太楊諾思及女兒賽前也來到巴塞隆拿，一家五口齊齊入場睇波。
張導演賽後對梅開二度的美斯讚不絕口：「我以前睇過世界盃，不過現場睇歐聯還是第一次。雖然今次坐在魯營球場嘅山頂位，但視野十分清楚。美斯今場太厲害了，拜仁一班守衞想逼都逼唔到，能夠現場睇佢踢波確是賞心樂事。」
不過，張家賽後有點掃興，因為張太離開球場後發現遺失了護照，惟有立即報警求助。
也不是所有學員對睇波都全情投入，右後衞郭崇毅（Enson）便抱怨巴塞太早拉開紀錄，以致下半場戰況沉悶：「當我最想睇嘅亨利都換走後，場波已經唔好睇，所以最後十五分鐘我已經瞓咗覺。」身為曼聯躉的潘柏安（Chris）更說：「我哋坐得咁高，美斯又生得矮，望落去佢好似成隻蟻咁。其實美斯好波又點吖，如果有機會對曼聯，見到高過佢嘅C朗就嚇都嚇死佢啦。」
香港巴塞足球學校「依比利盃」今明賽程
今日（10/4） 3:45pm C組分組賽 Vs C.D.Alcanar
5:15pm C組分組賽 Vs U.E.Rapitenca A
明日（11/4） 4:45pm C組分組賽 Vs 羅馬
10:00pm 8強（分組首、次名出線）
註：全部為香港時間
光頭仔西班牙直擊