羅富全上季開倉交出65W，由於突破60W被尊稱「六爺」、狂勝低班賽被叫「五班王」，若然練者今日捧走香港盃，則絕對可變身「香港之光」！旗下4歲馬實力雄厚，「歡樂之光」於香港盃屬爭勝主角之一，「達龍駒」配合而來，在港初出可即拚。

最近7次派4歲馬上陣，羅富全共取1冠2亞2季1殿，雖然只贏一場但上名率達71%之高，跑獲季軍的「火百合」及「逍遙自在」，獨贏賠率均為10倍以上，賽前機會被睇低但一樣跑入三甲，可反映羅廐4歲質新分子攻勢夠強，陣上演出絕不欺場。

第六場二班1600米，羅廐「達龍駒」挾昆士蘭打吡冠軍初次在港上陣，4歲馬能力絕非等閒，賽前兩試大閘才出，均由今次鞍上人潘頓親自仄試，加上馬匹近兩周快跳四課循序漸進，準備認真，初出令人憧憬。

潘頓與羅富全近11次合作取得3冠2亞3季，雖然當中大熱門「好運多贏」兩度搏失，但整體成績仍佳，宿敵莫雷拉回港最容易激發此位冠軍騎師鬥心，加上今日再獲羅富全支持，「達龍駒」排12檔起步，發揮必打醒十二分精神。另外，同主馬中有令人難以忘懷的馬王「佳龍駒」，「達龍駒」刻意留待大賽日才上陣，幕後當然自視甚高，初出可打急攻，值得捧場。

贏馬程式