《東網》視頻，雄飛奮發，銳意改革，要做到「無一時一刻，不適耳目之觀」，旗下最強娛樂及消閒資訊平台《繽FUN星網》強陣推出以來，至今亦不過年多而已，之不過，皆因猛料日日有，好睇又八卦，加上靚女主播輕鬆搞鬼，嗒落有味，大受歡迎！咁講喇，《繽FUN星網》鼓動時尚風潮，梗係型男索女必睇！
嗱！為答謝廣大粉絲厚愛，仝人站在用家角度，不斷改革介面，整合內容，既要「風荷十里三秋艷」，令人意想不到嘅凌厲影像經常睇到讀者嘩嘩聲！當然，革新嘅介面必照顧各階層讀者，開講有話蘿蔔青菜，各有所愛；蘭幽菊淡，各自生香。要言之，一入到《繽FUN星網》，點都有一瓣啱你睇，點捨得放手！
為了令讀者有更精彩嘅瀏覽體驗，更快捷、方便、清晰準確地捕捉至啱心水嘅娛樂及消閒新聞，《繽FUN星網》主版面「繽FUN焦點」，將比以往顯示更多精彩嘅最新資訊，配以亮麗圖片及吸睛題目，最強片源，梗係令娛樂消閒體驗再度提升啦！
呢，功夫茶提一提大家，全新升級嘅《繽FUN星網》介面，焦點新聞報道全城最HIT、最爆炸性話題嘅娛樂及消閒資訊，讀者只要跟箭嘴指示向左或往右輕輕一掃，立即可以點擊想收睇嘅新聞，24小時無限量更新，新鮮滾熱辣，快到你唔信！新聞內容既多元化又有睇頭，總之必有啱你收睇嘅心頭好！
升級嘅星網介面，除咗強化焦點新聞，為咗令版面更清爽易用，原有嘅「推薦頻道」退下火線，讀者要睇《繽FUN星網》各精彩節目，只要按入「繽FUN焦點」，揀選焦點推介嘅節目，點擊收看流麗影片，開心話咁易，活潑雙眼就係咁簡單！
更不得不提嘅係，為方便讀者了解娛樂大事嘅來龍去脈，更容易追貼新風潮，《繽FUN星網》主版面內，所有新聞標題左下方嘅「關鍵字」功能，千祈咪錯過，一按即睇晒心儀嘅娛樂及消閒消息；若想追看有關新聞，逐單按入，足以消磨頃刻歡樂時光，所以話星網在手，「寂寞」兩字從此喺生活裏溜走！
至於想欣賞《繽FUN星網》精彩相片嘅話，一樣係easy job，一按即有，只要按一下所有新聞標題右上角嘅「相片快捷鍵」功能掣，按下圖示，就可以率先瀏覽該時段新聞內嘅所有相片。嗱！如果講開性感女星、網紅，一按「相片快捷鍵」，說不定擠衣欲裂嘅「人間兇器」，一對G奶失驚無神兜口兜面撲埋嚟！阿哥，想體驗星網新功能，一再提升嘅精簡介面，仲唔快啲更新東網手機應用程式！千祈咪執輸行頭吖！