政情：慶祝建黨百年電影首映禮 林建岳盼港更好地融入國家發展

電影增加港人對一國兩制信心

佢強調香港同中國命運與共，中國共產黨係一國兩制嘅創立者、領導者同維護者，中央制訂《港區國安法》，開啟香港長治久安嘅階段。電影《1921》喺呢個時候公映，有助社會更了解中國執政黨，增加港人對一國兩制行穩致遠嘅信心，對於香港更好地融入國家發展大局，共享繁榮富強，加快發展香港，造福港人具特殊意義。

同場嘅經民聯主席盧偉國致詞時話喺香港社會面對重重挑戰嘅當下，希望香港社會同青年人能從電影中得到啟迪，承傳這份初心，融入國家發展大局，發揮所長，該黨會一如既往，為青年人發展積極提出政策建言。

特首林鄭月娥、財政司司長陳茂波、政務司司長李家超、保安局局長鄧炳強、政制及內地事務局局長曾國衞同公務員事務局局長聶德權等多名政府高層亦有出席活動。此外，全國政協副主席董建華亦有在台上列席，離開時需攙扶站起。

林鄭致詞時話香港自古以來係中國領土，惟因一場鴉片戰爭令港人離開中國達一個半世紀。但喺共產黨百年過程中，清楚睇到共產黨堅持維護國家主權同領土完整嘅信念，並時刻關心港人福祉嘅立場。她希望觀看電影嘅青年從電影內100年前熱愛國家嘅青年人身上，吸取奮勇向前、民族自強嘅力量。