政情：公民講場：陳肇始輕率又諗鬆綁 清零恐成奢望

疫情仍然反覆，若果防疫做得唔好，肯定又出事。呢幾日有消息話政府又想鬆手，可能考慮喺復活節前放寬社交限制，雖則市民有抗疫疲勞，但大家都見到每逢放寬社交限制，跟住確診個案又再大幅上升，再加上復活節後幼稚園同小學都會恢復局部面授，好可能清零唔到變爆第5波，真係不堪設想。前車可鑑，食物及衞生局局長陳肇始被鬧爆抗疫無力，唔該佢唔好咁輕率去做決定，否則疫情又再反彈，佢肯定官位不保。