政情：公民講場：閒置地發展太陽能 環境局唔好再等

儘管政府透過「上網電價」計劃，鼓勵民間投資太陽能發電設施，然而香港再生能源嘅增長比例，仍然遠較鄰近國家及地區緩慢。有調查機構指出原因，就係政府未有善用公共空間及閒置土地，亦有研究社成員指屯門鍾屋村附近有土地曬咗太陽二、三十年，一直處於荒廢狀態。不過睇番3年前石壁水塘及船灣淡水湖嘅浮動太陽能發電先導計劃，其產電效能就較一般屋頂裝置高出兩成，可見香港發展太陽能不無潛力。環境局局長黃錦星應該同其他政府部門協調一下，撥出可放置太陽能板嘅公共空間，令香港減少對化石燃料嘅依賴都好吖。