政情：潰不成軍 公民黨退出民陣
繼街坊工友服務處（街工）早前宣布唔再參與民陣事務，再有成員團體決定退出民陣。公民黨今個星期初就決定，停止再派代表參與民陣會議同工作，並已通知民陣召集人陳皓桓。公民黨副主席賴仁彪形容該黨早前已損兵折將、元氣大傷，多名成員正身陷牢獄，經審視風險後作出艱關決定，退出民陣以保護黨員，畀佢哋可以繼續為市民服務喎。
陳皓桓早前指民陣不會解散
外媒早前引述消息報道，港府正調查民陣有否違反《港區國安法》，包括有否無接受過美國國家民主基金會（NED）資助，若屬實或會喺短時間內取締民陣。消息傳出後，有指已有3、4個成員團體決定退出，其中街工日前就喺Facebook發貼文，公開劃清界線。陳皓桓當時回應，話無收取過任何外國政府或機構嘅資助，又強調民陣唔會解散。