政府新一份財政預算案，宣布增加私家車首次登記稅同牌照費。雖然社會輿情普遍認為，政府係有意將財赤壓力轉嫁畀車主，不過運輸及房屋局局長陳帆就話，有關政策並非針對車主，而係鑑於私家車增長幅度較大嘅相應安排，又指私家車唔能夠無限量增加喎。其實政府真係要抑制私家車數量嘅話，點解唔倣效新加坡嘅「擁車證」配額制度呢？對於富裕階層而言，就算加一萬幾千都無礙買車嘅意欲o架！政府明明係打車主個荷包主意，何必詭辯？
