優先接種組別嘅市民可以由今日起去5間社區疫苗接種中心，或醫管局18間普通科門診診所接種科興疫苗。不過未來兩星期接種嘅網上預約配額已經爆滿，莫非市民真係對科興疫苗咁有信心？尋日外間就有消息，話醫管局門診喺流感高峰期每日可以打二、三百支流感針，但係打科興疫苗嘅話，上下午時段所派嘅籌加埋都只係得雙位數。話時話，醫管局主席范鴻齡有冇考慮過公布普通科門診接種疫苗嘅派籌數字呢？如果市民真係咁支持疫苗的話，點解唔提高透明度呢？
