話說警方喺舊年發出近270萬張「牛肉乾」，當然唔係食嗰啲，而係就違例泊車發出定額罰款通知書。違泊當然唔啱，但導致違泊嘅其中一個原因，梗係同泊位嚴重不足有關喇！話時話，外界有強烈意見要求政府起多層停車場以作紓緩，但運輸及房屋局局長陳帆意見接受，態度依舊，不停話研究、研究，根本就係推搪，唔知幾時先研究完，咁即係一味拖啫！再拖落去，只會令違法嘅情況更嚴重，唔該陳帆認真諗吓點解決？
