轉彎硬撼房車 鐵騎洋漢拋飛重創

【本報訊】轉彎迎撼私家車,鐵騎洋漢拋飛倒地浴血重創。前晚(21日)11時許,一輛私家車沿汀角路往大埔市中心方向行駛,至汀麗路交界十字路口,一輛由45歲洋漢駕駛的電單車,剛好由對面線「布袋位」右轉入汀麗路,兩車收掣不及迎頭相撞。由於撞擊力巨大,電單車拋上私家車車頂後,再反翻落地上,前輪甩脫飛彈單車徑,私家車車頭冚及車頂凹陷,車牌亦脫落,擋風玻璃爆裂。

鐵騎洋漢拋飛倒地後,左腳嚴重受傷,鮮血流淌在馬路,多名駕駛人士報警。救護員到場將受傷洋漢送院治理,姓蔡(34歲)私家車司機報稱頭痛,在場協助警方調查後,同送院治療,警方正調查意外原因。

第一手消息請下載on.cc東網iPhone/iPad/Android/Windows Phone Apps