阿裕就話，其選區內鼠患問題向來嚴重，且近期更有惡化嘅趨勢，單計過去一個月就收到10宗街坊嘅求助，話見到老鼠爬上樓，甚至登堂入室！佢提到，雖然房署早前喺屋邨垃圾站附近嘅山坡放置老鼠膠後，屋邨嘅老鼠數目有所減少，但估計有啲老鼠已經上樓棲身，希望管理公司可以搵出大廈入面嘅老鼠藏身黑點。
倡當局每一樓層安裝
阿裕又提到，房署有喺每棟大廈嘅一樓嘅喉管位置安裝鼠擋，不過成效就似乎麻麻，早前佢同食物環境衞生署一齊視察時，食環署職員就向房署反映話鼠擋太細或斜度不足。雖然房署有聽意見去做調整，但都好似唔係咁收效，建議當局可以喺每一樓層都安裝鼠擋喎！