唔心息反駁主席
關注鐵路運作嘅田二少,把握每個機會,希望就東鐵線信號系統嘅問題表達意見,提到唔單止喺舊年臨換信號系統時突然臨陣煞停,近日又被踢爆發生「假衝燈」問題等。田二少講咗半分鐘有多,主席李慧琼就忍唔住提醒佢,話依家唔係交通事務委員會或者鐵路事宜小組喎。但田二少一於唔理李呢盞「紅燈」,決定「衝燈」繼續講,最終兩人疊咗聲成10秒鐘,田二少先肯收口唔講落去。
不過田二少始終唔心息,當主席完成發言之後,又忍唔住反駁,話因為要等好耐先再開鐵路事宜小組咁話。而李就即刻反擊,提醒田二少其實尋日朝早先至開完交通事務委員會喎!卓妮