政情：公民講場：公院專科排餐死 同等上樓有得比

受到疫情同冬季流感夾擊，公立醫院嘅病床早就爆煲。醫院管理局尋日公布最新嘅輪候數字，大部分專科門診要輪候逾年，個別要等3年添呀！呢個數字係咪好熟口面，事關輪候公屋條隊都話3年上樓，但就逾等愈耐，依家輪候時間近6年。當然等門診同公屋係兩碼子事，但同樣因為滿足唔到需求，輪候條隊愈嚟愈長，專科門診都會愈等愈耐，醫管局主席范鴻齡唔單止要盡快解決公院醫護人員嚴重短缺嘅問題，仲要諗辦法「追落後」，加快睇症。