政情：公民講場：疫魔反撲 新症狂飆 愈收愈緊 陳肇始冇晒招

第4波疫情爆發後，政府再次收緊晚上堂食等措施，而日前好似有啲收效，確診個案逐步回落，點知都只係虛火，事關確診個案再次反彈，而初步確診嘅個案亦急速上升。就嚟到農曆新年，市民又要辦年貨，又要同家人團聚，睇怕又可能令疫情升溫，到底防疫措施要再收緊成點先可控制疫情？疫苗又未到，就算到咗都未必有市民敢接種，而食物及衞生局局長陳肇始仲唔快啲諗吓有乜嘢招數，睇怕唔被問責都唔得。